|
四月十日 Born to be Different
我以前完全無空間，今日就算孤身一個，我的空間都唔見得多。
今晚再一次破例，去老地方留連既時間又再創一個新紀錄。春天係咪一個煲粥既季節？有粥堪煲須盡煲，唔使諗咁多啦…去馬啦。
好擔心家嫂，佢完全唔想食肉…佢自己都有眼見有人食素減肥食到厭食啦。我又再次打破常規，逼佢食左兩舊魚皮餃。好似好干涉人咁，似乎有點過份…
今晚我做得好好，所以要讀書既都無陪我，我其實真係唔敢叫D有功課未交，有試未考完既人出黎。咁自動送上門既當然係例外啦。
•做乜你成日咁撮合我地兩個唧？
•因為你地兩個都係我既好朋友。
•咁你同佢夠係我既好朋友啦，又唔見我撮合你地兩個？
•我真係好想你地開花結果。你心地好，佢係一個好人。
起碼佢我仲曉得買隻松鼠送畀佢，但你…我真係唔知送乜畀你好…
※ 你同佢到底有無可能唧？
• 你已經係第N個問呢個問題啦…
※ 我覺得你地好襯播。
• 你地已經係第四、第五個咁講啦。
我初初識佢果陣我以為佢係一個好濫、好無安全感既人。
※ 唔係丫，佢幾好喎，佢都好decent丫。
• 咁呢個係我後尾先知囉。
※ 佢都好就你丫…
• 咁我都好鍚佢，但…有時好朋友唔代表可以係一對喎。
◆ 但你地兩個真係好夾囉，有時有D野夾就得架啦。
• 我同佢要既野都唔同！
◆ 咁先可以係埋一齊嘛。即係食早餐咁，如果兩個都鍾意食A餐，咁咪兩個一齊爭囉。
咁個廚師都唔知煮畀你先定佢先好。如果一個食A餐，一個食B餐咁就好D勒。
你個人呢，成日將D野神化、玄化、複雜化左。好似問起staub去左邊，D人會好自然話你走左。好似你早走係一件好平常既事咁，從來無人會覺得你早走係一件咩咁特別既事。
To be different 其實好辛苦架。
我都想學佢地咁ordinary，但問題係我根本係different，born to be different from others.......
獨自在山波，高處未算高。
命運在冷笑，暗示前無路。
蜉游在身邊發出警報，我高視闊步。
四月九日 無顏色的夢
醉生夢死並無趣味，我所愛的人是你
同華倩共九郎去行街，都好耐無果種自由既感覺。尋晚係台度好少可講野咁放，算啦，我個人唔可以太感性，令人擔心就唔好啦。
其實我不知幾開心，今日已經有三個人話我瘦左。雖則我重量無輕到，但唔知點解個個都話我瘦左，慌我會減肥過度咁。唏，我個減肥餐單好高熱量播，你地唔使擔心我會暈鉈鉈到跳城門河播。
今日去華倩相熟間鋪頭，買左件都唔算太合身既恤衫，有目標係一件好事黎既。
你知啦，行開行埋可以好耐架…
呢杯Nothing無乜酒味，好0岩夫人你架。我果陣係成日見D les 成 jar 成jar咁叫…
•你個電話再係咁我真係以後都唔call你架啦。
•係囉，唔知點解次次同你先係咁；我覺得個天有心阻礙我地囉，一定係唔抵得我地咁friend！
如此牽掛是你，閉著眼說今天的她很美，像似昔日地！
若你想傷悲即管傷悲，最痛與最傷不會是你。
哭聲早點收起，這世界那許一切完美。
造物弄人，因有著緣份才一起。
心在千里，你望見的一切，無顏色的天似深宵似晨曦。
四月八日 愛如潮水
當你知道自己時日無多果陣，你就唔會令自己唔開心架啦
今晚大家都忽然間好感性，你依然帶畀我好多驚喜，唔係，係驚慌…唔好再鑽牛角尖啦。鑽牛角尖不嬲係處女既特性，人馬諗野係好大路既，做乜我地會掉轉架？
•嗄，你話我仲有咩緊呢？生死病死我唔緊，有錢無錢我唔緊，愛情？超…
•都叫你唔好成日唱吧架啦，成日睇住D士兵去送死…
•Andrew 話你個人其實好唔開心。
•做乜佢無啦啦會咁講﹗
•你記唔記得你draw 過 siu tim tim？
•因為小甜甜唔開心個樣畫得靚咋。
我再也不願見你在深夜裡徘徊，
不願別的男人見識你的嫵媚。
你可知道這樣會讓我心碎？
請答應我以後夜夜別頹然容許青春生命活力任旁人提取…
你放棄你，知否我會極心碎？
四月七日 夢醒了
佢係我最疼愛的人，但估唔到原來我對佢既感覺係咁差……
一個原本自己深愛的人，我發現實際上我對既感覺唔係愛。再一次去試呢種滋味，果種因領悟而得到既痛苦係無可能平伏的。我依然想去愛人…
好擔心會變成林燕妮，只可以搵一個文人做另一半，例如黃霑…可能要唱《滄海一聲笑》-_-"
去到大埔咁遠既派對，成家人係埋一齊，好開心。但大埔係一個令我諗起好多往事既名詞，尤其是我一個人搭火車番屋企果陣。好怕係月台度等車果一種孤清既感覺。
越分析越辛苦，情願告訢自己我是愛你的。
「我最愛的人是你」…說起來還帶少許羞澀。
但事實擺在眼前，對我來說，你是一個交牙難纏的傢伙。
•密友不嬲話我仲意佢喎。我諗唔係，係一種admireship。但我唔明佢做乜會仲係我既夢裡面出現，好無logic。
•仲要講d咁野，係度數人過去，有冇搞錯.... -_-
•佢已經滲入我生命每一個細節，佢成為我壓力既來源。
你明因乜我同佢做唔成交心既朋友就係咁解。或者我既例子可以解釋因乜佢對你咁敏感。
你給我一個到那片天空的地址，
只因為太高摔得我血流不止。
帶著傷口回到當初背叛的城市，
唯一收容我的卻是自己的影子。
四月六日 真感覺
你唔好週圍叫人啦，
你唔係主角呀。
今日同鬼妹、家嫂行左一整日街，全程又到呢個立法會辯論時間。你既心地唔係話唔好，有D野人地鍾意點做就點做啦，應該講既我已經講哂，我無資格左右你地既價值觀。
•忽然我發現你好關心人…我有些少覺得你會畀人呃。
我見你好同情佢地，但佢地某些情形上係收買人心。
•其實我都好可憐架…
•如果你同情佢地，咁佢地另一半就更可憐。
每個人都有辦法令人覺得佢好可憐…
※啟示※
松鼠嚮九月一號個日記已經出瑒，大家唔好信女西醫既話，我地無將「床上」既野寫出黎。
如果係既話，呢個係咪可以係係李妮 + 鄭浩南 / 謝偉俊 + 白韻琴既組合？ -_-……我地感情轉淡，無分過手？
•你喜歡松鼠嘛???
•嘩，乜呢個問題問得咁無聊…因乜咁問？完全chase唔到
•心血來潮
•問你grandma
•又關事...?
•父母之命丫嘛
發覺這晚悠長，發覺我懶洋洋。
我要你也在場，方可覺得歡暢。
讓你的一張肖像，叫我這麼多聯想。
看到你佻皮時，看到你困惑時。
看到我已茫然，一些美好印象。
讓你的一張肖像，佔據這刻的意向。
四月四日 真命天子一時心軟又再心軟，本來唔想對呢個人咁好，卒之不只同佢見面，仲做埋賢內助做既野，前世一定欠佢好人情啦我。
下定決心唔再畀人賺沙律錢既結果，係自己居然都叫整到D好味既沙律，仲有好多人有興趣添。一兜沙律可以叫到人出街，都好經典下。
無呀，想你請我食你整D沙律，咁我又可以慳番一餐。
今晚同唷呵玩得好顛，枉佢仲話我high左，有佢係度一起跳，唔high些少點似樣呢？
好開心，好耐無見香港區代表，佢都算係咁，肯出黎P場門口畀我見下先。兩區代表都瘦左唔少。但到底我瘦多D定佢瘦多D呢？雖然Dexter話我瘦好多，但我真係好想問呢個問題喎。
你到底除左飲寶秀麗茶葉之外仲做過D乜？
如夢人生康心碎，車對落staub雞淚垂。
為何情如逝水，大江去那堪追。
毛毛絲絲拋不去，堪嘆龍蝦吹飛雲。
松樹盡化blink，小青天外去。
錯為情愛者喱落淚，往日情侶負了小V。
帶淚望四哥，的的、蠢蠢，唷呵期待變鬼妹。
人如同靈魂找到天國護照。
人隨時仍能聽到你呼召。
環遊全球仍遇上你，遇上真命天子。
如凡塵原來都已不再重要，
如迷途凡人找到了徵兆，
如沿途人群鬧哄了，亦會聽到心跳
在跳，是我的心跳。
四月三日 Perfection
都唔明呢期做乜咁多人玩自卑，係想以退為進，約番條好魚咋？
兩個曾經令我覺得好成功既人，都分別先由他人既口中，再由自己親口承認自己係失敗既。我只覺得佢地好可憐，由高處墮下既感覺認真唔好受。可惜，佢地竟然係我既密友，我好擔心佢地係咪咁值得我對佢地咁好。旁人畀唔少壓力我…
今晚有人話我係完美主義者，我覺得好欣慰。以我呢個星座黎講，我一直都好擔心無左呢個特質。知道自己既本質都未嘗唔係一件好事。
•佢直頭係蠢！
•好啦，可唔可以唔好講佢？你明知我實幫佢。^_^
以我同佢既江湖地位，一個咁人物唔值咁既會令我地反面。所以你唔使擔心，亦無須插手評價乜野。如果你插手既話，你就會中左小人既圈套。
我覺得愛情係難在好多野都太 feeling-oriented，唔可以理性去掌握
幸福....唔係必然，但係可以垂手可得。
見樑上雙棲呢喃，方知何從恩愛緣。
忒開送寒韶光景，心事逢雨無處沿。
春慵卻對奈何天，賞心欲問誰家院？
未覺雙芳逢雨現，只剩三生空石綠。
I know I need to be in love.
I know I've wasted too much time.
I know I ask for perfection in a quite imperfect word,
and fool enough to think that what I've found.
四月二日 誰可改變
•係咪呢一代既細路都唔識得珍惜呢？
•呢一代係會識得珍惜，問題係佢地會計較對方係咪值得佢地咁樣做囉。
今晚係有些少悶，B場個舞廳FEEL從未改變，正如唷呵話齋，有D嘉禾FEEL添！
卒之唱到《如何可以不愛他》，三個都係single既人各有各唱，仲估話會有feel，但好失望。呢隻歌無理由係第一次唱，應該可以唱得更好……
好擔心，今日一共食左一杯雲呢拿乳酪同兩杯TCBY既frozen yought……好緊張。但有人仲係度估我如果再瘦個樣係點。咪一個白燕苦情戲樣囉。
•我覺得佢永遠唔會去愛一個真正鍾意佢既人。人地越愛佢，佢越係要飛起佢。
•咁咪係囉，佢成日都咁犯賤。
•但你要知道，呢度好多人都係咁犯賤。個majority係咁。
問題唔係你應唔應該同佢地一齊犯賤，而係有無必要隔離佢地。
定係知道佢地係咁犯賤，由得佢地咁樣做落去而唔改變佢地囉。
曾經說出，今生不愛你，我共你是但有份，沒有緣。
情切是你，痴痴相戀，將心中愛念為我捐。
如今我竟，竟將心意轉，那份愛念，沒有盡，沒有完。
輪到你，不愀不睬，將心中愛念盡化煙，求可改變。
還想再等，沒法息愛念。但偏偏你，回頭也倦。
煩惱是我，流淚更無言。情逝去不再留半點。
四月一日 最騷的夢
同樣既說話，如果係家嫂講，我會覺得好開心。
一樣既說話，如果係老公講，我會覺得佢好煩。
嘩，好驚人。一病就狂食野，今日係Delifrance既食量好得人驚，三件撻加奶茶，仲唔夠食藥。
密友你去左邊？就算搵到松鼠都想你開個方畀我丫。咪掛住做古惠珍得架，你個天職係醫人，唔係做媒人哦！
其實唔係我中松鼠降，係你地全部中哂松鼠降之嘛。松流感高峰期，大家小心D呀…
你要為你幸福著想哦，好男人係留番畀自己，唔係介紹出去。你以為佢有人要你會開心D咩？逃避放係你面前既幸福，係你高估你自己。你要記住，時間唔係咁容易掌握得到。
如何能睡下去，如何能夢下去，抵不了心翻動。
仍是纏綿是你，仍然難忘是你，掀起最騷的夢。
|
